* Lembar Usang Lontara Panre Lopi

Naia suke’na lopie, patujue. Nakko, tasuke’ lampe’na, kalebiseangnge, rekko pitug’se. Seragi, rasiliweng pannyambunna. Naia Panyambungnge, ritaroiwi, malappa riolo mau seuamua, jiri, passauang. Naia ri munri naia sakka.na, kale biseangnge, sijakka. Inaro riaseng paribiseangngi alena.
Naia babana lopie, makkedua reppana rikekeng, mpali-wali. Naia lampena seppuloi dua reppana, ri warekkeng, matoi, wali-wali. Narekko sireppai, malatopa ale, Sakka’na babanna, aseratoisa reppana lampe’na. Malatopaale.

Aja mupattujuiwi sangkilanna. Pannyambung papengnge, pannyambung kale biseangnge, aja mupattujui bango, bango sompung papengnge, sompung lunase, napasuga

Narekko engka lopi-lopi, aja muparisaliwengngi. Parilaleng lopiwi, narilaleng kurung, namariawa, silasa narapi’e uwae. Rekko de’lise’na, teasa rekko tennarapi’i uwae lopie-lopie.

Narekko engka bakkulinna, malampe, aja’na muali. Narekko engka pasu, rirapekkengnge, aja mualai.

Narekko engka pasu, ripattawa duanna, tampukue, napapettogi, nalunasattogi, aja muali. Narekko engka, pasu natettu lenra aja mualai. Narekko engka pasu ritujunnae tudang, pong lopie narilaleng, aja mualai. Tettaroko risaliwengngi. Narekko engka pasu, natettiki barateng popo rilalettogi risaliwettogi, aja mualai.

Narekko engka pasu, ripa’marunna riolo, naegkato antre tampelu, rimunri talokogi, madecengngi.

Narekko engka pa’marung, massebo matteru, ripannyambungnge, madecengngi. Narekko engka penyambung, napada reppa, nasaipa, reppa’na madecengngi. Narekko engka pasu, rikerokang natoppo’ tataripangnge. Rise’denagi, narekko rire’dui posi’na nakenai, uae madecengngngi. Narekko engka pasu riwawo, galageng, dua risewalie, naseua, risewalie, madecengngi. Narikero kattogi, nariolo kerokattogi, narimunri kerokattogi, ia riaseng La Tepe De Apinna.

Narekko engka papeng ma’deppa, narikerokattogi, narimunri kerokattogi, nariolo kerokattogi, majai.

Nareko engka lopi, massesbo papeng lemma’na . narikairi, narilaleng kurung, madecengngngi. Iana riaseng La Pa’berrung.

Padamotisa, rekko ilaoi, lopi, rekko ilaoi. Mabbola, gaukenna, essona, rebana ajue. Naia rialae kale biseang, talai pincinna. Narekko ale’ta ilao, naia lebbina, ritaroi riwawona aliri tengangae.

Seutopi, rekkua llaoi’ mallopi, tasuke’i, lampenna rilaleng bebbo. Tainappa leppe duai. Ia natuju poncinna, lekkong duanna, Madecengngi.

Semoga sebagian isi lontara Panre Lopi ( Lontarak tata Cara Pembuatan Perahu ) ini yang saya share bisa bermamfaat bagi kita semua sebagai kebanggan akan nilai-nilai sejarah leluhur.


Miniatur Phinisi di Bandara Hassanuddin Makassar (191209)